Moin, moin. Hartlich willkamen op de Homepage vun de Speelkoppel Dötlingen.

Use Theatersaison 2025/2026 is to Enn gahn un wi sünd bannig tofreden. So veel Tokiekers as dit Johr hebbt wi siet de Corona-Pandemie nich harrt. An düsse Steer veelen Dank an all, de sik „Wenn de Hormone verrückt speelt“ ankeken, lacht und klatscht hebbt. Us hett de Saison bannig veel Spaaß maakt.

In de Rubrik „Speelde Stücken“ find ji noch eene Översicht över de letzten Stücken mit eene koorte Beschrievung vun de Handlung un een Bild. Wenn ji dor anklickt, köönt ji noch mehr Billers ankieken.

In‘ Juli fangt denn de Proben för de neege Saison an. Use neege Stuck heet „Keerls sünd ok blots Minschen“. Wi hoopt, dat ji woller so veel Spaaß hebbt as letzt Johr.

De Termine för de Saison stellt wi hier woller in, wenn se faststaht.

Wi seht us denn woller in Harvst oder Winter. Bit dorhen laat jo dat goot gahn.

Joe Speelkoppel Dötlingen