Moin, moin. Hartlich willkamen op de Homepage vun de Speelkoppel Dötlingen.

Na de letzte Theatersaison hebbt wi eerstmal 4 Maande Pause maakt, aver nu sünd wi al woller an’t proben. Use neege Stuck heet „Wenn de Hormone verrückt speelt“ vun Jürgen Ströde.

Dorbi geiht dat um de Familie vun Erwin Kohlmorgen (Jürgen Ströde). Dat Tosamenleven vun Erwin un siene Fro (Edith Bruns) is wat sworer worrn siet Gerda in de Wesseljohre kamen is un Erwin siene Midlife Crisis hett. Mit Franziska Bruns (Susanne Schüler), de neege Naversche, de Gefallen an Erwin funnen hett un faken to Besöök is, kummt noch een Problem dorto. Wieldes Erwin sik Hölp bi sien Fründ un Naver Peter Renken (Ulli Gröne)haalt, krigg Gerda Unnerstützung vun Moni Renken (Imke Evers) un ehre Fründin Lilo Martens (Ingrid Blohm). As wenn dat noch nich genoog is, söökt de Dochter Ann-Katrin (Karin Theuer) den Partner för’t Leven, hett sik dorbi aver jümmers swoor doon, bit se nu endlich ehren Fredy Becker (Hans Jürgen Rathkamp) funnen hett. Ella Suding (Erika Schulte), Gerdas Mudder, hölpt ehre Dochter mit den een oder anneren gooden Raat.

Laat jo överraschen, op wat för Ideen een Keerl kummt, um to höören, wat he doon kann, um siene Ehe to retten.

De Termine för de neegste Saison staht unnen op düsse Siet.

joe Speelkoppel Dötlingen